Azmato Ki Malika Noha Lyrics

Azmato Ki Malika Bazaar Me

Azmaton Ki Malika Bazaar Mein
Haye Zainab (S.A) Be Rida Bazaar Mein
Azmaton Ki Malika Bazaar Mein

Shaam Waloon Ne Sajaya Shaam Ko
Dawatein Bhejeen Hajumein Aam ko
Laaye Phir Aale Aba Bazaar mein
Azmaton Ki Malika Bazaar Mein

Ek Khutba Aapne Aisa Padha
Ek Sahaabi Peet Kar Kehta Raha
Aagye Ya Murtaza Bazaar Mein
Azmaton Ki Malika Bazaar Mein

Hain Kathin Bazaar Wale Marhale
Ek Rassi Se Bandhe Barha Galey
Khoon Abid Ro Pada Bazaar Mein
Azmaton Ki Malika Bazaar Mein

Shamiyon Main Warisey Tatheer Hoon
Or Hayaon Sharm Ki Tafseer Hoon
Binte Zahra (S.A) Ne Kaha Bazaar Mein
Azmaton Ki Malika Bazaar Mein

Zakhmi Chehre Pe Tha Baloon Ka Niqaab
Shaam Waloon Se Tha Zainab (S.A) Ka Khetaab
Ro Rahi Thi Har Ada Bazaar Mein
Azmaton Ki Malika Bazaar Mein

Sar ke Khoon Me Tar Hai Jiski Ab Jabeen
Dar Haqeeqat Shaamion Zainab Nahi
Aa Rahi Hai Fatema (S.A) Bazaar Mein
Azmaton Ki Malika Bazaar Mein

Kon Hai Jo Khauf Se Soyi Nahi
Shimr Se Sehmi Hai Yu Royi Nahi
Kiska Bandha Hai Gala Bazaar Mein
Azmaton Ki Malika Bazaar Mein

Aye Khuda Usko Bohot Tauqeer De
Darde Ahle-Bait Ki Jageer De
Jisne Ye Nauha Suna Bazaar Mein
Azmaton Ki Malika Bazaar Mein

Haye Zainab Be Rida Bazaar Mein
Azmaton Ki Malika Bazaar Mein